Ne (itsulila) olwa khwabukula indache khubarumwa nende khwiwe ewe, nende khu Nuhu nende khu Ibrahim nende khu Isah omwana wa Mariam, ne nikhubukula khubo indache isiro.
Mushaf reader · page 419 of 604
33:7–33:15
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Kho areebe abatoto okhulondokhana nende obwatoto bwabu, ne yarecheshela obakhayi eshinyasio eshilulu.
Enywe abasuubila, itsulile tsimbabasi tsia Nyasaye khwinywe, olwa omukanda kwabalwani kwabeetsela, mana nikhukurumila omuyeka nende omukanda kwabalwani okwamulaalola, Ne toto Nyasaye alololanga akamukholanga muno.
Olwa babetsela okhurula hekulu wenyu nende hasi wenyu, olwa tsimoni tsiang’ang’ala ne emioyo nichiula khumworokoro, nanyu nimuchaka okhuparira Nyasaye amaparo kakabukhane.
Awo abasuubili batemwa mana nibaresibwa omuresio omukhongo.
Ne olwa obeshikhabili nende balia abali nende obulwale mumioyo chiabu, boboola mbu: “Nyasaye nende omurumwa wuwe shibakhulaka halali obubeyi butswa.”
Ne omukanda mulala mubo alwakwaboola mbu: “Enywe abamenyanwa ba yathribu- mubula amemelo,kho kalushe. Ne omukanda kundi mubo nikusaba omurumwa obwiyangu nikuboola mbu: “Tsinzu tsiefu nitsikhaya”Ne shitsiali tsikhaya tawe, shibenyanga eshindi tawe halali okhwilukha.
Ne babenjililanga (omukanda kwabalwani abakhayi) hekulu wabu mutsimbeka tsiosi (tsia madina) mana basabwe okhulwana, bakhakholele, neshibakhamenyele omo halali ebise bititi butswa.
Netoto bali balaka Nyasaye inyuma awo mbu shibalikalukhania emikongo chiabu tawe. Ne indakano ya Nyasaye yakharebwe.
الأحزاب