Shi ni tsimbi khubo okhulolana nende basabwe nohomba abaana babu beshisiani, nohomba abasiani babu, nohomba abaana babasiani babu, nohomba abana babakhana babu nohomba abakhasi babu. nohomba balia abemikhono chiabu emilunji chiatila, ne murie Nyasaye, toto Nyasaye ni Omuloli wabuli eshindu.
Mushaf reader · page 426 of 604
33:55–33:62
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Toto Nyasaye nende Abamalaika bebe basabilanga Omurumwa (tsimbabaasi). Enywe balia abasuubila mumusabile (omurumwa) ne mumushesie omulembe muno.
Toto balia basinyisinjia Nyasaye nende Omurumwa wuwe, Nyasaye abatsuba khushialo nende mwikulu ne yabarecheshela eshinyasio (shietsisoni) shokhututuyia.
Nebalia basinyisinjia abasuubili abasatsa nende abasuubili abakhasi, khukabalakholele tawe, toto bamala okhuchinga obuchishi obukhongo nende tsimbii tsilolekha.
Ewe Omurumwa boolela abakhasi bao nende, abakhana bao, nende abakhasi babasuubili, beeshie obulayi tsingubo tsiabu, okhukhola endio khulachila bamanyishe, kho balasinyisibwa tawe, Ne Nyasaye nomuleshili muno Owetsimbabaasi.
Ne abeshikhabili nende balia bali nende obulwale mumioyo chiabu nende balia abasalasinjia obubii mulukongo, nibalalekha tawe, toto khwitsa okhubasasiakhwo ewe, ne shibetsa okhwikhala omo ahambi ninawe halali khubise bititi butswa.
Batsubwa, wosiwosi abalolekhana batilwe mana berwe okhwirwa.
Liba lia Nyasaye alialiwo khubalia babura, ne sholinyoola muliba lia Nyasaye obukalukhani tawe.
الأحزاب