Abandu bakhurebanga okhulondokhana nende indukho, boola mbu: “ obumanyi bwayo bulikhu Nyasaye butswa, Ne nishina shitsa okhumanyisia mbu indukho ili ahambi.”
Mushaf reader · page 427 of 604
33:63–33:73
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Toto Nyasaye yatsuba abakhayi ne nabarecheshela omulilo.
Balimenyamwo tsinyanga tsiosi, neshibalinyoolamwo Omuhelwa nohomba omukhonyi tawe.
Inyanga yobweni bwabu bulikalukhanibwa mumulilo baliboola mbu: “Abaane manyanga khuwulila Nyasaye ,mana khuwulila Omurumwa.”
Ne baliboola mbu: “Nyasaye wefu toto efwe khwaulila abaami befu, nende abakhoongo befu, mana abo nibakhukosia injila.”
Nyasaye wefu bahelesie bano eshinyasio shimetekhe, ne obatsube eshitsubo eshikhongo.
Enywe abasuubila mulaba shinga balia abasinyisia Musa, mana Nyasaye namutsenula khukababoola, naye yali weshiribwa imbeli wa Nyasaye.
Enywe balia basuubila murie Nyasaye ne muboole amakhuwa katoto.
Alabakasilia obulayi ebikhole bienyu ne alabaleshela ebionoono bienyu, ne ulia uwulila Nyasaye nende Omurumwa wuwe, toto alaba naburire okhubura okhukhonga.
Toto efwe khwalolesia omalako kefu likulu nende eshialo nende tsingulu, mana nibikhaya okhukachinga nibiria, ne nikhubilolela tsimbabaasi mana Omundu nachinga. Toto ye ni omwonooni omukhongo omusilu muno.
Kho Nyasaye anyoole okhuhelesia eshinyasio abeshikhabili, abasatsa nende abeshikhabili abakhasi, Nende abatsokaasi beshisatsa nende abatsokaasi beshikhasi, Ne aleshele abasuubili abasatsa nende abasuubili abakhasi, ne toto Nyasaye ni Omulesheli muno Owetsimbabaasi po.
الأحزاب