Please wait while the requested workspace is prepared.
Mushaf reader · page 44 of 604
Read the protected Arabic beside the current Luhya translation, beneath each āyah, or as a continuous translation page.
Ne olwa Ibraheem yabola mbu; Nyasaye nzechesia shingala olilamusia abafuu” Nyasaye namureba mbu; “oshili okhusuubila?” Nobola mbu; “Ndasuubila halali ndenya omwoyo kwanje kutinye” Namuboolela mbu; “bukula amayoni kane ne okanasie ewuwo, mana okatonyetonye ne ore buli khushikulu eshitonye sheliyoni - mana akalanje koosi kalakhwitsila tsimbilo. Ne omanye mbu toto Nyasaye ni owamani khandi owamachesi muno.
Balia bekhonyelanga emiandu chiabu khunjila ya Nyasaye bali shinga inyuma ndala yirusinjia ebisuche saba, buli eshisuche shili nende tsinyuma imia, Ne Nyasaye emetelangakho wayenya, ne Nyasaye ni omuyinda omumanyi muno.
Balia barusinjia emiandu chiabu khunjila ya Nyasaye mana nibalalondiakho khu shiabahanile esho amaboorolo nohomba amasinyisio, Bali nende omurungo kwabu khu Nyasaye wabu omulesi, ne shibaliba nobuyendi tawe nohomba shibalibeelela tawe.
Amakhuwa amalayi nende, obulesheli ni ebilayi okhushila eshihanwa shilondibungwakho nende ebisinyisio, Ne Nyasaye niye winyala omuholo muno (khubilonje bibie)
Enywe abasuubila mulanyasia ebihanwa bienyu khulwa okhuborola nende ebisinyisio tawe, shinga ulia urusinjia omwandu kukwe okhulolosia abaandu ne sasuubilanga Nyasaye nende Inyanga yeyindukho tawe, okhufwana khwe khulishinga olwanda lulikho olufu, mana nilukhupwa nende ifula yolucheka, nilulekhwa olukhaya, mana sibaliba nobunyali bwosi bwosi khukabachuma tawe, Ne Nyasaye salunjisinjia abaandu abakhayi tawe.
