Ko shibalolanga mbu khwabaloonjela okhurulana khumilimo chie mikhono chefu tsisolo tsiemiruko, etsia barukanga.
Mushaf reader · page 445 of 604
36:71–36:83
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne nikhubanguyisilia etsindi mutsisolo etso tsiabanimangakhwo ne etsindi batsilitsaanga.
Ne bo banyoolanga mutsisolo etso obukhonyi nende ebinywebwa kho mana shibakhupanga orio tawe.
Ne batila abanyasaye bandi habundu wa Nyasaye mbu khobanyoole obukhonyi.
Shibalinyala okhubakhonya halali abo nibo baliba abasikari babu olwabali khwitsila.
Mana amakhuwa kabu kalakhubeelesia tawe, toto efwe khwamanya kabafisanga nende kabaretsaanga habulafu.
Ne omundu shalolanga mbu khwamuloonga okhurulana nende indonyande ya matsi kolwibulo mana toto ye niye omuseeri wahabulafu.
Ne alakhuchelasilia naye yebilila okhulongwa khukhwe -mana naboola mbu : “ ni wina oyo ulilamusia ebikumba nibimalile okhubulungukha?”
Boola mbu; “ alibilamusia ulia wabiloonga olwokhurunjilila, naye ni omumanyi muno wabuli okhuloonga khwosi”
Ulia wabakholela okhunyoola omulilo okhurula khumusala omubisi mana nimunyoola okhubwana omulilo okhurulana ninakwo.
Koo waloonga likulu nende eshialo shanyala okhulonga bifwana ninabo? Khulwa shina naye niye omuloonji omukhongo wamachesi muno.
Toto likhuwa lilie niyenya eshindu ashiboolela butswa mbu: “ ba “ ni shiba.
Mana yatswenukha ulia wobwami bwa buli eshindu buli mumukhono kukwe, ne ewuwe niwo amulikalusibwa.
يس