37:1–37:24

Nende khubalia bakaninjia amabii.

Nende khubalia basoomanga obwitsulisio.

Toto Nyasaye wenyu nimulala butswa.

Nyasaye umulesi welikulu nende eshialo nende ebili hakari wabio. Ne ni Nyasaye omulesi we ebukwe tsiosi.

Toto efwe khwarona likulu liahambi khutsing’ining’ini.

Khulwokhulinda okhurulana nende buli Shetani omukhayi.

Balanyoola okhuwulila ebilonje bioluyali, ne baloondungwayo buli mumbeka.

Baloondungwa ne bali nende eshinyasio shilawa.

Halali ulia upusulanga eshindu eshititi , ne mana shimulondangakhwo eshikhupo shimesamesanga.

Barebekhwo mbu koo abo ni baloongwa okhuloongwa okhutinyu muno okhushila ebilonje bindi biakhwaloonga? Toto efwe khwabaloonga okhurulana khuliloba litilanga.

Halali Owukanga nabo bakholanga omubayo.

Ne nibetsulisibwa shibetsulilanga tawe.

Ne nibalola eshimanyisio nibakhola omubayo.

Ne baboola mbu: “kano shinishiosi shiosi tawe halali ni obulosi butswa buli habulafu.”

Mbu nikhufwa nikhumalile okhuba liloba nende ebikumba, kho toto khulilamusibwa.

Kata bapapa befu bakhale.

Boola mbu: “mmm! nanyu nimuli batutuyibwe .”

Eyo oluyoka lulikhupwa lulala butswa, ni hawo niwo abalilola.

Baliboola mbu: “ abayiee, ino niyo inyanga yomurungo.”

Ino niyo inyanga yeyindukho yamwakhayanga.

Bakhung’asie boosi bakhola amabii nende abakhasi baabu nende balia boosi babalaamanga.

Nibakhaya okhulaama Nyasaye bachiomie khunjila yomulilo kwa Jahannam.

Mana mubeemie. Totobo balarebwa .