Mana nikhukhola olwibulo lulwe okhutoong’a.
Mushaf reader · page 449 of 604
37:77–37:102
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Mana nikhulekha ifuma indayi khubetsa inyuma wuwe.
Omuleembe kube khu Nuhu mushialo shioosi.
Toto endio nilwakhurunganga abakholi bamalayi.
Toto ye ali mubasumba befu abasubili.
Mana abandi abo nikhubasishia mumatsi.
Ne toto Ibrahim yali mumukaanda kukwe.
Olwa yetsela Nyasaye wuwe omulesi nende omwoyo kukwe kwoosi.
Olwa yaboolela Papa wuwe nende Abandu bebe mbu: “ nishina shiamulamaanga?”
Eminyasaye chiobubeyi echilali Nyasaye nichiamwenyanga?”
Mupariranga shina Nyasaye omulesi webilonje bioosi?”
Mana nasitia tsimoni okhuhenga tsing’ining’ini.
Naboola mbu: “toto esie endwala.”
Nabo nibamulekha nibamufutarira omukongo.
Mana nabwondela eminyasaye chiabu. Nachiboolela mbu: “shichila shina nimulaliitsanga?
Mubeele murie amulalomalomanga tawe?
Mana nachikalukhanila nachikhupa nomukhono omulunji.
Mana nibamwitsila lwangu lwangu.
Naboola mbu: “ enywe mulaamanga ebindu bia mwiraanyanga abeene?”
Ne Nyasaye niye wabaloonga halala nende akamukholanga ako.
Nenibaboola mbu mumumbashile eshiumbashe mana mumusukune mumulilo.
Benya okhumukholela amabii halali nikhubakhola bo okhuba bahasi.
Ne naboola mbu : “ toto esie ewuya enzia ewa Nyasaye wanje omulesi, ye alalunjisia”
Ewe Nyasaye wanje omulesi, mbelesie ulia uli mubakholi bamalayi.
Mana nikhumusuubisia omwana omwihotselefu.
Olwa yoola eshichelo shiokhuchenda ninaye yamuboolela mbu: “ewe mwana wanje , toto esie endutsi mumaloro mbu ekhusinzanga, kho hengamwo olola orie?” naboola mbu: “ ewe papa wanje, khola shinga olomesibungwa witsa okhunyoola Nyasaye nachama nendi mubalia befwiila”
الصافات