Nohomba kuboole mbu: “ Nyasaye yanunjisinjia ndakhabeele mubalia bamuria”
Mushaf reader · page 465 of 604
39:57–39:67
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Nohomba kuboole ebise bieshinyasio mbu:” abayie nengalusibwayo nemba mubandu abalayi”
Shikanyalikhana tawe, toto ebimanyiso bianje biakhwitsila mana nobikhaya nofura noba mubakhayi.
Ne inyanga yeyindukho olilola balia bakhaya ka Nyasaye wabu obweni bwabu nibumaliye, koo mu Jahannamu shinishio eshimenyo shiabafuru?
Ne Nyasaye alihonia balia bamuria, khulwokhubura khwabu, shibalinyoolwa nobubii bwosi bwosi tawe , nohomba shibalibeelela tawe.
Nyasye niye waloonga buli eshindu naye niye omulindi wa buli eshindu.
Niye uli nende tsifunguo tsielikulu nende eshialo ne balia bakhaya ebimanyisio bia Nyasaye abo nibo balitiba.
Boola “ owulali Nyasaye niye wamunomesinjia okhulaama enywe abasilu?”
Ne toto wafimbulilwa nende balia abaliho imbeli wuwo mbu : “notsokaasia Nyasaye ebikhole bibio bioosi bilakwa akhaya, ne toto oliba mubandu basikha.”
Halali laama butswa Nyasaye mana obe mubalia bokhupanga orio.
Ne shibamuwa Nyasaye oluyali shingala kenyekhana tawe, ne eshialo shiosi shiliba mumukhono kukwe, ne likulu lilikanyakanywa liaba mumukhono kukwe omulunji, oluyali ni olulwe owekulu nomutwenufu khukabamutsokaasinjia ninako.
الزمر