Ne olwika lulikhupwa mana bifwe bioosi ebili mwikulu nende khushialo halali ulia wa Nyasaye alichama, mana khandi lulikhupwa olundi mana boosi balibukha nibahenga.
Mushaf reader · page 466 of 604
39:68–39:74
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Mana eshialo shiliakha khubulafu bwa Nyasaye washio omulesi, ne eshitabu shilirerwa, ne abarumwa balirerwa nende abaloli, mana barungwe omurungo kwa toto nabo shibalikholelwa obubii tawe.
Mana buli shiamundu alirungwa kayakholanga , naye (Nyasaye) yamanya muno kabakholanga.
Ne abakhayi baliyilwa mujahannamu mumikanda, okhula shingala balikuulakhwo, mana emiliango chakwo chiikulwe abalindi bakhwo balireeba mbu: “ koo abarumwa shibabetselakhwo tawe okhurula mwinywe? Nibabasomela tsinyaali tsia Nyasaye wenyu omulesi, nibekanyilisia okhubukanana nende inyanga yenyu ino?” baliboola mbu: “kali kario halali likhuwa lieshinyasio liatinyisibwa khubakhayi.”
Baliboolelwa mbu: “ injile mumuliango chia Jahannamu mumenyemwo tsinyanga tsioosi” ni eshimenyo eshibii shirie khubafuru?
Ne abaria Nyasaye wabu omulesi baliyilwa mwikulu mumikanda, okhula shingala baliulakhwo mana emiliango nichiikulwa mana Abalindi bakwo baliboola mbu : “ omuleembe kube ninenyu, muli abalayi, injilemwo mumenyemwo tsinyanga tsiosi.”
Baliboola mbu: “oluyali lwoosi nilwa Nyasaye okhuhelesiye kayakhulaka, akhuleshele eshialo khumenya mumikunda shingala khwenya . Ne ni omurungo omulayi kuli kurie khubakholi (bamalayi)!
الزمر