Niye wishinjia amaatsi okhurula mwikulu khushichelo,likhulamusilia liloba liafwa, ne endio nilwa mulirusibwamwo.
Mushaf reader · page 490 of 604
43:11–43:22
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne niye owaloonga buli eshindu eshisatsa nende eshikhasi, mana nabakasilia ebininwamwo biomumaatsi, nende tsisolo tsiamuninangakhwo.
Kho mwikhale obulayi khu mikongo chiatsio,mana mwitsulile tsimbabaasi tsia Nyasaye wenyu, nimwakhamala okhwikhalakhwo obulayi, mana muboole mbu: “uliyaali nilwa ulia owakhukwalasilia bino mbu khwikhonyele, ne shikhwakhakhoolele abeene kano tawe .”
Ne toto khulikalukha ewa Nyasaye wefu omulesi.
Ne bamukholelenga mubasumba bebe omukabo, toto omundu nomukhayi owahabulafu owetsimbabaasi tsia Nyasaye.
Nohomba yabukulila abaana abakhaana mubiloonje bibie bayaloonga, mana nabawulila enywe abaana abasiani?
Ne yesi yesi mubo naboolelwa khukabachelasinjiakhwo Nyasaye , obweni bubwe bumaliyanga ne yetsulamwo oburuma.
Koo ulia wakhusibwa muburone, ne mubushilano shanyala okhuboola niyeenoosia tawe?
Ne bakhola abamalaika abaali abasumba ba Nyasaye okhuba abakhasi! Koo balolakhwo okhulongwa khwabu? obuloli bwabu bulihandikwa ne balireebwa.
Ne baboolanga mbu: “ Nyasaye yenyanga efwe shikhwakhabalaamile tawe.” Shibamanyile ako tawe. Babula liababoola halali obubeyi butswa.
Khwabahelesiakhwo eshitabu imbeli wa shino? Mana batilananga ninashio bashiloondanga?
Halali baboola mbu: “ toto efwe khwanyoola bapapa befu nibaloondanga idini yabu yabalobola kho efwe khuloondanga mubilenje biabu.”
الزخرف