Inyanga yomwitsa alalikhoonya owashie nende shiosi shiosi tawe,nebo shibalihabinwa tawe.

Halali ulia owa Nyasaye alikoosia toto ye Niwamaani Owobukoosia muno.

Toto omusaala kwa zaqoom.

Ni eshiakhulia shia owetsimbi.

Shinga olubia lusaalulwe, lurabachila munda.

Shinga okhurabachila khwa amatsi kayile.

Baliboolelwa mbu : “mumutile mumusukune hakari wo mulilo kwa jahannam.”

Mana muyombole khumurwe kukwe eshinyasio shia amaatsi karabachila.

“Pila.. mbu toto newe Omwami woluyali.?

Toto kano niko kamwakanakananga khwo.

Toto abaria Nyasaye baliba habundu womulembe.

Mwikulu mumikunda nende tsisebele.

Balifwala tsingubo tsinderere tsinyangu tsia hariri..nende tsisiro .. nibahengana.

Endio nilwo lwakaliba, ne khulibabashila mahurul ain. (abakhana bomwikulu.)

Bali laangamwo ebiamo bietsimbia tsioosi, ne balikhala nomulembe.

Omo shibalipilamwo lifwa tawe,halali okhufwa khwokhuranga. Ne Nyasaye alibalinda okhurulana nende eshinyasio shia Jahanam.

Tsino nitsimbabaasi okhurula khu Nyasaye wuwo Omulesi, okho nikho okhubura okhukhongo.

Ne efwe khwakhola Ikurani khululimi lulwo, okhuba inyangu khwiwe, kho banyoole okhwitsulila.

Linda butswa nabo boosi balinde butswa.