Toto mu yako khulimwo nende eshitsulisio khu ulia uli nomwoyo nohomba owareka eshirwi naye alolanga.

Ne toto khwaloonga likulu nende eshialo nende biosi bilimwo khutsinyanga sita, ne shikhwanyoola obuchonyi bwosibwosi tawe.

Wisumilisie khukababoolanga ne witsomie elira lia Nyasaye wuwo Omulesi eliuba nilishili okhurula nende nilishili okhukwa.

Ne Omwitsomiekhwo khandi eshilo nende niwakhamala okhumwinamila (okhusujuda.)

Ne rechelesia inyanga yomulaanji alilanjilia ahambi.

Inyanga yabaliwulila oluyoka lwomulango kwa toto, eyo niyo inyanga yakhulamusibwa.

Toto efwe nefwe balamusinjia nende bafwisinjia, ne ewefu namulikalukha.

Inyanga yeshialo shiliatikha lwangu lwangu, okhukhung’asibwa okho khuliba okhwangu khifwe.

Efwe khumanyile muno kababoolanga, ne ewe shobarukanga na amani tawe. Ne wikhoonyele Ikuran okhwitsulisia balia abaria inyanga yeyindukho.

Nditsuba khu muyeka (imbumbuyeka) kusalaasinjia,

Nende kuchinganga emisiiko,

Nende kuwutsanga khubwangu,

Nende Kukabaanga shinga kulomesibwe.

Toto kamulakungwa nikahabwene.

Ne toto inyanga yomurungo ilibaho.