Netoto khwaloonga Omundu ne khwamanya shimubeyibeyinjia mumwoyo kukwe, nafu khuli ahambi khuye okhushila omusi kwo mwikosi we.
Mushaf reader · page 519 of 604
50:16–50:35
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Olwa abamalaika babili balibukanana, owundi niyekhala omukhono omulunji ne owundi omukata.
Shiyakhaboola liosi liosi tawe halali Raqib nende Atid – balihambi naye (bakaandilka).
Ne tsisaalila tsiakhurula omwoyo tsiliitsa khubwatoto. Ako niko kawatechelelanga.
Ne ulwika lulikhupwa, eyo niyo inyaanga yeyindukho.
Ne buli omundu aliitsa nali nende omuliindi nende omuloli.
Aboolelwe mbu: “Toto ewe wali wang’ang’alila kano, mana khukhurere habulafu, kho okhulola khukhwo nyanga yino nikhulayi muno.
Ne owashie aliboola mbu: “ wendi ninaye uno amalile okhurechekhwa.”
Musukune mumulilo buli omukhayi omwandakanyu.
Owikalilanga amalayi, wabura eshichero, owuyendinjia (omukanakania.)
Ulia watsokaasia Nyasaye nende abanyaye baandi, mana musukune mushinyasio eshilulu.
Owashie aliboola “ Nyasaye wanje Omulesi, esie shindamukosia tawe halali ye yali mubukori obwa ehale.
Nyasaye aliboola mbu: “ mulasolana imbeli wanje tawe, ndamala okhubarumila emekanyilisio.”
Liumaho likalukhanibwa imbeli wanje tawe, ne esie shekholelanga abasumba banje obubii tawe.
Inyanga yakhulireba Jahanam mbu “ Witsuule ?” niyo ilikalusia mbu : “ abaandi baliwo umete?”
Ne (Janna) mwikulu ilisitibwa hambi khu baria Nyasaye.
Kano niko kalakwa khuyesiyesi ukalukha khu Nyasaye mana niyelinda.
Olia waria Nyasaye khukefisile, mana niyetsa nende omwoyo omulunjifu.
Injilimwo nomulembe ino ni inyanga eyilaliwa tawe.
Balinyoolamwo shiosishiosi shiabeenya ne khuli nende bishilakhwo.
ق