50:1–50:15

Bawukanga mbu Omwikanyilisi yabeetsela okhurula mubo! Abakhayi nibaboola mbu: “ po kano nikokhuchenjia.”

Mbu nikhulifwa mana khube liloba, okhukalukha okho khuli ehale (shikhunyalikhana tawe.)

Toto khwamanya shosi shiosi shilemukha khusialo mubio, ne khuli nende eshitabo eshibikhanga koosi.

Halali bakhaya obwatoto olwabwabeetsela, mana abo bali mubukoyano.

Shibalolangakhwo likulu hekulu wabu, shingala khwaliumbakha mana nikhulirona, shililikhwo nolwafwa tawe.

Ne liloba khwalikwaalasia mana nukhuliramwo tsingulu, mana nikhumesiakhwo buli imbia yemimela.

Kho shibe eshilolelo nende eshitsulisio khu buli omusumba ulunjikha khu Nyasaye.

Ne kheshia amaatsi ketsimbabaasi okhurula mwikulu nikhumesilia emikunda nende imele ichesungwa.

Nende emitende emirambi chilikhwo ebibuli (chiebulana mubunji.)

Omukabo khubandu banje, mana nikhulamusia eshialo shiali nishifwile, ne ni endio nilwa Abandu balilamusibwa.

Bakhaya imbeli wabu abandu ba Nuh nende abandu ba Rasi nende ba Thamud.

Nende ba Aa’d nende ba Firaun nende abaana babu Lut.

Nende abamenyi ba’aikat (bomumasokholio) , nende abandu ba Tubaa, boosi bakhaya Abarumwa mana kabekanyilisibwa nikaba akatoto.

Ne muparanga khwachong’a olwakhwabaloonga olwokhuranjilila ? halali bo bali nobukanakani khukhuloongwa okhuyiakha.