Nohomba baboolanga mbu: wakasia kano! halali bo shibasuubilangasa tawe!

Mana barere amakhuwa shinga kano, nikali mbu baboolanga akatoto.

Nohomba shibaalongwa okhurula khu shiosi shiosi tawe, nohomba bo nibo baloonga?

Nohomba nibo baloonga likulu nende eshialo? Halali babula obulaamba.

Nohomba bali nende libishilo lia Nyasaye wuwo, nohomba nibo bali nobunyali?

Nohomba bali netsingasi tsiokhurechelesiakhwo? mana omurechelesi wabu oyo arere ebifune bilolekha.

Nohomba Nyasaye ali nabakhana nanyu muli nabasiani ?

Nohomba abarebanga bakhurunge nabo bali nende obuleemu bwo murungo oko?

Nohomba bamanyile akefisa mana bakahandika?

Nohomba benyanga okhukholela amatemo? Halali balia bakhaya nibo abalenjila mumatemo.

Nohomba bali nende nyasaye wundi owulali Nyasaye? Nyasaye Nomutswenufu khubia bamutsokasinjia ninaye.

Ne nibalolanga lileesi lieshinyasio nilikwa okhurula hekulu, bakhaboolele mbu ni amalesi kachingane.

Ne baleshe okhula lwabalibukanana nende inyanga yabu yabalisishibwa.

Inyanga yamarechekho kabu shikakhabakhoonye shiosi shiosi tawe, ne shibalihabinwa tawe.

Ne toto balia abakhola amabii, balinyoola eshinyasio shindi shilali shino tawe, ne abaanji mubo shibamanyile tawe.

Ne linda okhubusia khwa Nyasaye wuwo Omulesi, toto ewe uli mutsimoni tsiefu, ne mutswenule khulwokhumwitsomia Nyasaye wuwo Omulesi olwa oba niwema.

Ne eshilo khandi omwitsoomie nende olwe tsing’ining’ini tsitsia.