Nditsuba khu ing’iningini olwa ikhamiukhanga.
Mushaf reader · page 526 of 604
53:1–53:26
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Owashienywe uno shiyakora tawe nohomba shiyetsukhanila tawe.
Ne shaboolanga okhurulana khubwikombi bubwe tawe.
halali ni obufimbuli bwafimbulilungwa.
Yachesibwa nende owa amani amanji.
Owakukhanga niyewotselesia.
Naye ali hekulu muno.
Mana owitsanga ahambi niyekha.
Naba hambi nga akari wemikhono chibili nohambo ahambi po.
Mana namufimbulila omusumba we kayamufimbulila.
Omwoyo shikwaboola obubeyi khukakwalolo tawe.
Koo mumuyingasinjia khukayalola.
Mana toto namulola khandi.
Mushisina shio musaala ( mkunazi) kwo khu malilikha.
Ahambi nende omusaala oko, kuliwo omukunda kwamenywamwo.
Olwa kwafimbwa omusaala oko nende shiakufiimba.
Tsimoni shitsiesundukha tawe nohomba shitsiabura eshichelo tawe.
Toto yalola ebimanyisio ebikhongo bia Nyasaye wuwe omulesi.
Koo mwalolakhwo Laata nende Uzza.
Nende manata, owundi wakhataru.
Koo nenywe muli nabasiani naye alinabakhana ?
Toto okho ni okhukaba okhubi.
ako namerasa kamwakulikha enywe nende basenywe, Nyasaye shiyeshiakhwo shiosi shiosi khumeera ako tawe. balondongasa amaparo nende she mioyo chiabu chienya, ne toto abunjifu bwabetsela okhurula khu Nyasaye wabu.
Mbu Omundu anyoolanga shia yekombanga?
Nyasaye sa niye mwene eshialo nende mwikulu.
Ne ni abamalaika benga bali mwikulu, abokhusabila khwabu shikhulikhonya yesi yesi tawe, halali khuwa Nyasaye achamile namufuchilila.
بِسْمِ اللَّهِ الرَّحْمَٰنِ الرَّحِيمِ