Ako nilwokhubeela mbu booma omirwe khu makhuwa ka Nyasaye nende Omurumwa wuwe, ne ulia wumila Nyasaye omurwe , toto Nyasaye niweshinyasio eshilulu.
Mushaf reader · page 546 of 604
59:4–59:9
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Omusala kwosikwosi kwamuremele, nohomba kwamuleshele nikwemele khushisina shiakwo, nikhubunyali bwa Nyasaye ne abonooni bafimbwe omurwe.
Ne omwandu kwa Nyasaye yahelesia Omurumwa wuwe okhurula khubo, shimwakulwanila okhwikhonyela tsifarasi nohomba tsingamia tawe, halali Nyasaye ahelesinjia Abarumwa be obunyali khu yesi yesi wayenya ne Nyasaye nomunyali wabuli eshindu.
Ne omwandu kwa Nyasaye yahelesia Omurumwa wuwe okhurula khubandu betsingongo, nikwa Nyasaye nende Omurumwa, nende abeekho, nende abafwile, nende abamanani nende bananjila, kho kukhaye okhubotokhana khubayinda mwinywe, ne shia Omurumwa abahelesia mubukule ne shiabakaya mushileshe, ne murie Nyasaye , toto Nyasaye niweshinyasio eshilulu.
Nikwa abamanani abawuyi abaloondwa mutsinzu tiabu nibanulwa omwandu kwabu, bakhaabanga amalayi, okhurula khu Nyasaye wabu, nende obuchami, ne bahabinanga Nyasaye nende Omurumwa wuwe, abo nibo abatoto.
Ne balia bali namatala nende obusuubili imbeli wabu, bayanza balia babawuyilamwo ne shibali nobwimani mumioyo chiabu tawe khushabahelesibwa ne beyimanga kata nibali mbu bo nibakhoyeshele .Ne ulia wikalila obwimani bwo mwoyo kukwe, abo nibo ababura.
الحشر