Abakhayi nibapanga amakhuwa Naye Nyasaye napanga, naye Nyasaye niyeomupanji omulayi po.

Olwa Nyasaye yaboola; “Ewe Isah esie nditsa okhufwisa ne nditsa okhukhukulusia ewanje ne nditsa okhukhulinda okhurulana nende abakhayi balia ne nditsa okhura balia bakhulonda hekulu wabalia bakhukhaya okhula inyanga yeyindukho. Ne amakalushilo kenyu kaliba khwsie, ndili babusilia kalia kamwakabukhananga.

Ne balia bakhaya ndilibahelesia eshinyasio eshilulu mushialo nende mwikulu ne shibalinyola ubahabina tawe.

Ne balia basuubila mana nibakhola amalayi Nyasaye alibarunga omurungo kwabu omulaamba Ne Nyasaye shiyachama abamabii tawe.

Kakhukhusomelanga kano ni ebimanyisio nende obwitsulisio obwa machesi.

Toto okhufwana khwa Isah ewa Nyasaye khulishinga okhufwana khwa Adam, yamuloonga okhurula khwiloba mana namuboolela; ba mana naaba.

Buno ni obwatoto okhurula khu Nyasaye wuwo omulesi, kho olaba mubalia bakholanga tsinganakani tawe.

Ne balakhureeba – mukhuyingana- obumanyi buno nibumalile okhukhuulila baboolele mbu; “ itse khulange abaana befu nende abaana benyu,abakhasi befu nende abakhasi benyu, nende efwe abeene nende enywe abeene, mana khusabe mubwihotselefu nikhwenya eshilamo shia Nyasaye shishile ababeeyi.