89:1–89:23

nende khubilo ekhumi,

nende khu bibili bibili nende khushilala shilala ,

Nende Khulweshilo shingashiburanga,

Kho! Mu kano khulolokhanamwo eshitsubo khu muchesi ?

Shiwalolakhwo shinga Nyasaye wuwo omulesi yakhola abandu ba A'di?

Abandu ba Iram, abali nendi nsinzu tsindambi?

Aba Nyasaye alalongakhwo shinga bo khushialo tawe.

Nende Thamudi abakasinjia tsinzu mutsingulu mumatwoma.

Nende Firauni wetsinzu shinga tsisiilo?

Abakhola tsimbi khushialo?

Nibetsusiamwo eshifwabi?

Mana Nyasaye wuwo omulesi yabakhupa eshiboko shieshinyasio.

Toto Nyasaye wuwo omulesi abahenganga mukhwibwondela.

ne omundu Nyasaye wuwe Omulesi namutema namuhelesia emiandu nende obwokholo amalanga aboola mbu Nyasaye wanje yambelesia oluyali!

Ne namutema mana amuleemie omukabo kwe aboola mbu: Nyasaye wanje yasukuna.!

Shikali kario tawe(ngalamparanga)! Halali enywe shimuhenganga abafwilwa neshisa tawe,

nohomba shimutinyisaninjia okhulisia abamanani tawe,

Ne mulitsanga emiandu chabafwilwa okhulia khwatoto,

Ne mwayanza emiandu obuyanzi obuunji obuburirifu.

Shikali kario tawe! olwe eshialo shilifunakwa ebitonye ebitonye,

Ne olwa Nyasaye wuwo omulesi alitsa nende abamalaika olunyali olunyali,

Ne omulilo kwa Jahannamu kulirerwa inyanga eyo, omundu inyanga eyo alitsulila , halali okhwitsulila okho shikhulimukhoonya shiosi shiosi tawe.