Enywe Abandu murie Nyasaye wenyu omulesi wenyu owabaloonga okhurula khumundu mulala ne naloonga okhurula khu mundu oyo omukhasi wuwe, mana natsukha okhurulana nende balili abo abasatsa nabakhasi abaanji. Ne murie Nyasaye awamusabananga khuye, nende (mulinge) abekho. Ne toto Nyasaye nomulindi wenyu.
Mushaf reader · page 77 of 604
4:1–4:6
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne muhelesie abana abafwilwa omwandu kwabu, ne mulakalukhasia eshibi khushilayi tawe. Ne mulalia omwandu kwabu halala nende okwenyu tawe, toto koosi ako ni obwoononi obukhongo.
Ne nimurire mbu shimulakhola obuleng’aafu khubana abafilwa tawe.(mana khandi murie okhukhaya okhukholela obuleng’aafu khubakhasi) mana muteshie abamuchamisiye mubakhasi, babilii nohomba bataru, nohomba bane, ne ni muria mbu shimunyala okhukhola obuleng’aafu mana muteshie mulalasa, nohomba balia bemikhono chienyu emusatsa chibatilile, eyo niyo injila yahambi muno khwinywe ichile mube hale nende okhukhaya okhukhola obufuru.
Ni muhelesie abakhasi omurungo kwabu kuli mbu ni eshihanwa. Ne nibabahelesia eshindu mumurungo kwabu oko, mubuchami bwabu, awo mulie mubusangafu, mumwikhoyo.
Ne mulahelesia obunyala bwokhwikhoonyela omwandu kwa Nyasaye amukholele okhuba injila yenyu yokhwikhonya, balia babula obunyali bwobwongo bwokhulinda omwandu. Kho mubalisie mana mubafwale obulayi butswa, ne muboole ninabo amakhuwa amalayi.
Nemuteema abaana abafwilwa ukhula shinga boola ulubaka lwokhuteshia. Nenimubanyoola mbu nabachesi, mubahelesie omwandu kwabu. Ne mulakulia mayuyukhana nohomba mayungubala tawe shichila betsa okhuba abandu abakhongo. Ne ulia uli omuyinda yeyikalile- okhulia omwandu oko- ne omumanani alie khushichelo shie lilako lilaka. Ne nimubahelesia omwandu kwabu mureo abaloli, Ne Nyasaye ayela okhuba omubali.
بِسْمِ اللَّهِ الرَّحْمَٰنِ الرَّحِيمِ