Please wait while the requested workspace is prepared.
Mushaf reader · page 78 of 604
Read the protected Arabic beside the current Luhya translation, beneath each āyah, or as a continuous translation page.
Abasatsa bali nende omukabo khushiabebusi balekhanga nende abeekho abahambi. Ne abakhasi boosi bali nende omukabo khushiabebusi balekhanga nende abeekho abahambi. Shibe shititi nohomba eshiinji omukabo kwalachilwa.
Ne ebise biokhukaba, abeekho nibabao nende abafwilwa nende abamanani mubahelesie khumwandu kwokhuchelama oko, ne mubaboolele amakhuwa amalayi.
Ne barie (abemelisi okhukholela abaana abafwila obubii, ne betsulile mbu) boosi banyala betsukhana nibalekha inyuma wabu olwibulo oluteshele baluyendela. Kho mana bo barie Nyasaye ne baboole amakhuwa kali habwene.
Toto balia balitsanga omwandu kwa baana abafwilwa khububi. Toto abo balitsanga mutsinda tsiabu omulilo, ne baliinjila mumulilo kwakhanga.
Nyasaye abachelelanga okhulondokhana nende abaana benyu. Omukabo kwomwana weshisatsa kulishinga omukabo kwa abaana beshikhasi babili. Ne abakhasi nibali abaanji bababili betsa okhunyoola tsi –tsulutsi tsibili estia ufwile aleshele. Ne nali omwana omukhaana mulala awo omukabo kwaye ni inusu. Ne abebusibaye babili, buli mulala khubo anyoole isudusi ya shia aleshele, nikali mbu alinende abaana. Nali mbu abula abaana ne abebusi baye babili nibo abamuchelama, awo mamawuwe alanyoola itsulutsi ndala. Ne nali nende abaana babu awo nyinamwana alanyoola isudusi. Kano nibamalile okhurusiamwo eshiayalaka nohomba likofi. Bapapa benyu nende abaana benyu enywe mukorerwe ni wina mubo owuli ahambi ninenyu muno khubukhoonyi. Esho ni eshilachilo okhurula khu Nyasaye. Toto Nyasaye ni Omumanyi Owamachesi.
