Please wait while the requested workspace is prepared.
Mushaf reader · page 81 of 604
Read the protected Arabic beside the current Luhya translation, beneath each āyah, or as a continuous translation page.
Ne nimwamenya okhukalukhasia omukhasi habundu womukhasi wundi, ne mulala khubo mwamuhelesiyia omwandu omunji, mulabukulakhwo khumwandu oko shiosi shiosi tawe. Ne nimubukula muba mukholele obubii ne nilikosa lili habulafu.
Ne mwakhabukula murie nimumalile okhwinjilana enywe khwenywe, ne abakhasi abo babukula khwinywe indakano isiro.
Ne mulateshia abakhasi babasenywe bateshia tawe, halali khu kalia kabura. Toto esho ni eshifwolo nende oshisinyo nende injila imbii.
Mukaanibwa okhuteshia banyinenywe, abaana benyu (beshikhana), abakhana benyu, basenje benyu, abakhana babu mama wenyu, omwana womusiani wenyu, nende omwana womukhaana wenyu, nende bamama benyu babanunia nende abakhaana benyu khukhununa, nende abaana babakhasi benyu bali hasi wobulindi bwenyu abebulwa nende abakhasi benyu bamwamala okhubenjilila. Ne nimushiili okhubenjilila awo eshikhukaila shibulao. Nemukanibwa khandi abakhasi babaana benyu abarula khutsingongofuna tsienyu. Nende okhuteshia abaana bomunzu ndala halali mulala wabu nafwile. Toto Nyasaye Niwobulesheli muno Owetsimbabaasi.
