Eshitabu shieshibwa khwiwe, kho olaba nende obusiro mushilifu mumwo khulwasho tawe, kho onyoole okhushikhoonyela nende okhwikanjilisia, ne shibe eshitsulisio khubasuubili.

Londe akamweshilibwa okhurula khu Nyasaye Omulesi wenyu, ne mulaloonda abetsa nohomba abalindi bandi abalali ye tawe. Nimatiti kamwitsulilanga.

Ni tsingongo tsinga tsiakhwasishia, eshinyasio shiefu shiaboolela eshilo nohomba olwabali nibakonele eshitere.

Kho shibulao eshiali eshiabu, olwe shinyasio shiaboolela, halali okhuboola mbu; Toto efwe khwali abamabii.

Ne toto khulireeba balia abayililwa oburume, ne khandi khulireeba Abarumwa.

Ne khandi khulibakanila mubumanyi, ne khandi efwe sikhuli ehale tawe.

Ne inyanga eyo eshipimo shiliba khubwatoto, kho balia beshipimo shiabu shiliba eshisiro, abo nibo baliba nibaburire.

Ne balia baliba nende obusiro-obwa malayi- obwangu, abo nibo abasishia emioyo chiabu, khulwa okhuyingasia ebimanyisio biefu.

Netoto khwabara khushialo, mana nikhubakholelamo tsinjila tsiokhunyoola obulamu. Halali okhupa orio khwenyu nokhutiti

Netoto khwabalonga, mana nakhubahelesia obukondo, mana nikhuboolela abamalaika mbu: “ Mwinamile Adam, Mana nibenama halali ibilisi, shiyali mubalia abeenama tawe.”