Please wait while the requested workspace is prepared.
Mushaf reader · page 152 of 604
Read the protected Arabic beside the current Luhya translation, beneath each āyah, or as a continuous translation page.
Nyasaye naboola; “Shina shikhukayile okhwinama shingala ekhulomesiye?” Naboola; “Esie endi omulayi okhumushila. Walonga esie okhurula khumulilo naye wamulonga okhurula khuliloba.”
Naboola; Mana yikha okhurula mo! Shokhoyele okhufumamwo tawe, mana rula, oli mubalia abatutu.
Naboola; “undeshe- ndalafwa tawe, okhula inyanga yolibalamusia.
Naboola; “olaba mubalia abahebwa ebise.”
Naboola; “ Ngala omalile okhuura mubakori, ndalabekhalila khunjila yao ilunjifu.”
Mana ndalabarulila imbeli nende inyuma wabu nende mumukhono musatsa ne omukata kwabu, Ne solinyoola abanji babu nibakhupa orio tawe.
Naboola; “Rula omo mwikulu , nendi eshifimbwa murwe , nokhuungwa. Ne ulia ulakhuloonda mubo ndilibenjisia mumulilo halala ninanyu mweesi.
Nawe Adam! Ewe nende omukhaye wuwo mwikhale mumukunda kuno, ne muliemo shingamwenya, ne mulasita ahambi nende omusaala kuno tawe, mwaba mubandu ababii.
Mana shetani nabaramo eshibeyibeyi, mbu kho abafimbule eshiekenyi shiabu eshiabafisilwa, mana naboola; “Nyasaye wenyu Omulesi yabakania omusala kuno mbu muletsa okhuba shinga Malaika tawe, nohomba mulaba balia ebetsa okhumenya tsinyanga tsiosi tawe
Mana nabetsubila; “Toto esie endi mubalia ababachelelanga”
Mana nabakatia , olwa bapila omusala kulia, eshiekenyi shiabu shialolokha mana nibenjila okhwishinga khu masafu komwikulu. Nyasaye wabu Omulesi nabalaanga; Koo, shindabakania omusala oko, nenebaboolela mbu shetani nomusuku wenyu owahabulafu?
