Nikhubakabula tsimbia ekhumi na tsibili, emikanda chaukhane. Ne nikhufimbulila Musa olwa abandu baye bamusaba amatsi mbu; “khupa lichina nende indabushi yiyio” mana amatsi nikarundukha okhurula mwichina elo, nikhola tsindoto ekhumi natsibili, ne buli omundu namanya abundu waye wokhunywa. Nikhubakholela eshinikha shiamalesi, ni nikhubeshilia maana nende salwa. (Nikhubaboolela); “Mulie ebilaye biakhubakabilekho bino” Shibakholela efwe obubii tawe halali abene nibo bekholele obubii.
Mushaf reader · page 171 of 604
7:160–7:163
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne(betsulisie) olwababoolelwa mbu; ikhale mulukongo luno, (Beitul maqaddas)- muliemo wosi wosi amwenya, nemuboole (ebise biokhwinjila) “khuleshele ebionono biefu” na mwinjile mumuliango nimwihotselesiye, khwitsa okhubaleshela tsimbi tsienyu, nekhulametela obulayi balia bakholanga amalayi.
Halali- Balia bakholela obubii emioyo chiabu, mubo bakalukhania amakhuwa akalali kababoolelwa tawe, mana nikhubeshilia eshinyasio okhurula mwikulu, shingala bekholela obubii abeene.
Ne barebekho amakhuwa kolukongo lwali ahambi nende inyanza. Olwa bafunakanga lilako lia Jumamosi. Olwe tsinyeni tsiabu tsiabetselanga hekulu hekulu-inyanga ya Jumamosi, ne inyanga ilali yajimamosi sitsiabetselanga tawe. Ne endio nilwakhwabahelesia amatemo khulwa obukhayi khwabu.
الأعراف