Please wait while the requested workspace is prepared.
Mushaf reader · page 179 of 604
Read the protected Arabic beside the current Luhya translation, beneath each āyah, or as a continuous translation page.
Shimwabera tawe halali Nyasaye niye wabeera. Ne shiwalasa olwa walasa tawe halali Nyasaye niye walasa, Nyasaye yakhola kano khulwa okhuhelesia abasuubili obulunjifu burulanga ewuwe, Toto Nyasaye niye Omuwulili nende Omumanyi muno.
Khukano netoto Nyasaye yetsa okhutendeyia amaani kabakhayi.
Nimwenya okhumanya, Obwatoto bwamalile okhuboolela. Ne nimulekha bulaba obulayi khwinywe, ne nimukalushila fwesi khulakalushila ne Abandu benyu shinibabakhoonyekho shiosishiosi tawe, Kata nibali abanji, Ne Nyasaye ali halala nende Abasuubili.
Enywe abasuubila! Murie Nyasaye nende Omurumwa wuwe, mulamwilukha tawe nimuwulilanga.
Ne mulaba shinga balia baboolanga mbu; “Khuwulile” nekhane bashili okhuwulila.
Toto tsisolo tsimbi muno imbeli wa Nyasaye- nitsilia tsikholanga mbu sitsiwulilanga tawe- nitsindimbe, tsisilu.Tsilia tsilekhonyelanga obwongo tawe.
Ne Nyasaye alolanga obulayi bwosi bwosi mubo yakha bawulilisiye nekata abawulilisia bakhakalukhanesa bakoyakoyania.
Enywe Abasuubila mufuchilile omulaango kwa Nyasaye nende Omurumwa olwa abalaanga mukalia aketsa okhubahelesia obulamu, amalayi, ne manye mbu Nyasaye yenjilanga hakari womundu nende omwoyo kwaye, Ne ewuwe ni amulikhung’asibwa.
Ne murie amatema kalakhaya okhunyoola balia bakhola obubii bonyene mwinywe, ne mumanye mbu Nyasaye ni Omululu weshinyasio.
