Please wait while the requested workspace is prepared.
Mushaf reader · page 182 of 604
Read the protected Arabic beside the current Luhya translation, beneath each āyah, or as a continuous translation page.
Ne manye mbu shiosi shiosi shiamulanyoola muliyie ebuleka washio wa kharano ni khulwa Nyasaye nende Omurumwa wuwe, nende abeekho nende Abaana abafwilwa nende Abamanani nende abalikhuluchendo, toto nikali mbu mwasuubila Nyasaye nende akakhweshila khumusumba wefu inyanga yobukabukhasio, inyanga yemikanda chibili chiabukaanana, Ne Nyasaye niye mwene obunyali hekulu wa buli eshindu.
Olwa mwali mwitwoma eliasi nabo nibali mwitwoma elia hale, omukanda kwomwandu(kwa Abu Sufiyan) nikuli emwalo wenyu, ne mulakananga ebise mwakhakabukhane, halali ni mbu okhula Nyasaye abusie likhuwa liali nilikhoyekhane okhubura, kho ulia usikha asikhe ebifune bili habulafu, ne unyola obulamu amenye nende ebifune bili habulafu. Ne toto Nyasaye ni uwokhuwulila muno Omumanyi po.
Olwa Nyasaye yabechesia mumalooro kenyu mbu nibatiti, ne abechesinjia mbu bo ni abaanji mwakhafwile emioyo, ne mwakhasolanilekho, halali Nyasaye nabaliinda. Toto ye ni Omumanyi muno owakali mubilifu.
Ne alwayabechesia mutsimoni tsienyu olwa mwabukanana nimubalola mbu nibatiti, ne nabakhola okhuba batiti mutsimoni tsiabu, kho libure likhuwa liali liamala okhukasibwa okhubura, ne amakhuwa koosi kakalusibwa ewa Nyasaye.
Enywe abasuubila olwa mubukanana nende omukanda kweliyie, (okhupana) mutinye-obulayi, ne mwitsulile Nyasaye mubunji kho munyoole okhubura.
