Please wait while the requested workspace is prepared.
Mushaf reader · page 186 of 604
Read the protected Arabic beside the current Luhya translation, beneath each āyah, or as a continuous translation page.
Ewe Omurumwa boolela abamwatila bali mumikhono chienyu mbu; Nyasaye nalola obulayi bwosibwosi mumioyo chienyu alabahelesia ebilayi muno okhushila bilia abiabukulwa khwinywe ne yetsa okhubaleshela. Nyasaye ni Omunji wobulesheli Owetsimbabaasi.
Ne nibeenya okhukholela obulianga(okhukatia) bamala okhukholela Nyasaye inyuma eyo, mana Nyasaye nabashila. Ne Nyasaye ni Omumanyi muno Owamachesi po.
Toto balia basuubila mana nibawuya mana nibalwanila idini nende omwandu kwabu nende emioyo chiabu khunjila ya Nyasaye, nende balia bahelesia(muhajirina) eshimenyo mana nibahabina(idini), abo nibo abeetsa abeene khubeene. Ne balia basuubila mana nibalawuya enywe mubula omunwa kwokhubalinda khushiosishiosi okhuula bawuye, ne nibenya obukhonyi khumakhuwa keyidini mubahabine, halali khubandu balia abamulinabo indakano. Ne Nyasaye alolanga kamukholanga.
Balia abakhaya ni abeetsa abeene khubeene, ne nimulakhola murio tawe, kalaba amatemo khushialo nende obutobela obunji.
Ne balia abasuubila mana nibawuya, mana nibalwana khunjila ya Nyasaye, nebalia bahelesia muhajirina eshimenyo, nibahabina, abo nibo abasuubili batoto, bali nende obulesheli nende omukabo omulayi.
Ne balia abasuubila(okhurula owo) mana nibawuya mana nibalwana halala ninanyu, abo bali ninanyu, Ne abananda bo ni hambi muno nende abandi mushitabu shia Nyasaye. Toto Nyasaye ni Omumanyi wabuli eshindu.
