“Na enywe abandu banje! Okhukabukhana ninasi khulabayila kabanyoola shinga kalia kanyoola abandu ba Nuhu, nohomba abandu ba Hud nohomba ba Swaleh, ne abandu ba Luti shibali ahale ninanyu tawe”
Mushaf reader · page 232 of 604
11:89–11:97
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
“Ne musabe eshileshelo khu Nyasaye wenyu, mana mwikanile khuye, toto Nyasaye wanje ni Owetsimbabaasi muno owobuyanzi po.
Baboola mbu; “Ewe Shuab, efwe shikhuwulilanga muno akobolanga tawe, efwe khukhulola noli omuteshele khwifwe, bakhayanga okhuba abandu bo khwakhakhulasile amachina, ne sholi omundu woluyali khwefwe tawe.
Naboola mbu; “Enywe bandu banje! Abandu banje niboluyali khwinywe okhushila Nyasaye? Ne mwamukhola okhuba inyuma wemikongo chienyu, Toto Nyasaye abatokhananga akamukholanga.
“Ne enywe abandu banje! Khole ngamwenya amunyalilwa, siesi ekholanga, ahambi hano mulamanya witsa okhulilwa nende eshinyasio shiokhumututuyia, nende ulia uli omubeyi. Kholindesa siesi endi ninanyu enindanga.
Ne olwe likhuwa liefu liola, khwahonokosia Shueib nende balia basuubila halala ninaye, khulwe tsimbabaasi tsiefu. Ne balia bakhola obubii, oluyoka lwabukula emioyo chiabu. Nibaba mutsinzu tsiabu nibalambile.
Nibabashinga abalabakhomwo tawe. Koo Ulile, Basikha abandu ba Madyan shingala abandu ba Thamud basishibwa.
Netoto khwaruma Musa halala nende ebimanisio biefu nende ebifune bili habulafu.
Khu Firauni nende abandu baye. Halali abo baloonda amakhuwa ka Firauni, ne amakhuwa ka Firauni shinamalunjifu tawe.
هود