Alimisia abandu be inyanga yeyindukho, ne aliboosia mumulilo. Neni abii ali arie abundu ao.
Mushaf reader · page 233 of 604
11:98–11:108
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne balondibwakho eshitsubu khushialo khuno nende inyanga yeyindukho. Ne ni eshibi shili shirie eshinyasio shiabalihebwa ukhula khabili.
Ako ni mumakhuwa ketsingongo kakhukhukanilanga, akandi muko kaliwo ne akandi kayinibwaho.
Nafu shikhwabakholela obubii tawe, halali nibo abeene bekholela obubii. Ne abanyasaye babalaamanga abalali Nyasaye shibabakhoonyakho shiosi shiosi tawe olwa likhuwa lia Nyasaye wuwo liola. Ne shibabameta halali abusishi.
Ne endio nilwakhubetsanga okhubukula khwa Nyasaye wuwo, olwa atilanga olukongo niluli olwamabii, Toto okhubukula khukhwe ni okhululu muno.
Toto mu ako khulinende eshilolelo khubalia baritsanga eshinyasio shio mwikulu (Akhera) . Eyo niyo inyanga yabandu balikhung’asibwa, Ne niyo inyanga yabilibao ebiloonje biosi.
Ne shikhubashindinjia tawe halali okhula ebise biarebwaho.
Inyanga lwayiliula, abulao ulilomaloma halali khukhuchama khukhwe Nyasaye. Ne mubo balibamo ababii nende abalayi.
Ne balia baliba ababii baliba mumulilo, balikhupamwo obuyoka nende tsimbungu.
Balikhalamwo ebise biosi biekhumenyaho likulu nende eshialo, halali shinga Nyasaye yenya. Toto Nyasaye wuwo akholanga shiayenya.
Ne balia bobulayi baliba mwikulu, balikhalamwo tsinyanga tsiosi tselikulu nende eshialo okhubaho. halali shinga Nyasaye yenya , niye wemikaboo chilawa.
هود