Shinga kalia kanyoola abaandu bafirauni nende balia bali imbeli wabu. Bayingana ibimanyisio biefu , mana Nyasaye nabatila khumabii kabu, ne Nyasaye ni weshinyasio eshilulu.

Boolela abakhayi mbu; hambi ano mulashilwa ne mulakhung’asibwa murebwe mumulilo (Jahanam) ne eyo ni eshimenyo eshibii muno.

Toto shali eshimanyisio khwinywe olwa emikanda chibili chabukanana okhulwana. Omukanda mulala nikulwanilanga khunjila ya Nyasaye, ne okundi okwabakhayi, nikubalola abanji muno okhushila bo mara khabili, khulwo khubalola netsimoni. Ne Nyasaye yonganga omukhono owayenya khu buhabini bubwe, Toto mukano khuli nende emeeko khubaandu betsimoni.

Abandu baronelwa okhuchama obwikombi bwa bakhasi , nende abaana abasiani, nende amabunjikho ke idhahabu nende ifedha, nende tsifarasi nende emiruko, nende tsindalo. Oko ni omwikhoyo kwo bulamu bwokhushialo. Ne ewa Nyasaye niko amakalushilo amalayi.

Boola; “ebabolelekho amalayi okhushila ako? Khubaria Nyasaye bali nende emikunda ewa Nyasaye wabu echikhulukusinjia hakari wachio emialo. Balimenyamo tsinyanga tsiosi, nende abakhaye abatswenulwa, ne bali nende obuchami bwa Nyasaye, Ne Nyasaye alolanga abasumba bebe.