Mulilia toto omusaala kwa zaqoom.

Mulikwitsusia mutsinda tsienyu.

Ne mana mulinywa amaatsi kayile pia!

Nemulikanywa shinga ingamia inywetsanga nili nende obuloo.

Ino niyo isambo yabu inyanga yomurungo.

Efwe khwabaloonga enywe shichilanga shina nimulasuubila?

Koo mulolangakhwo amatsi kolwibulo kamwitikhanga.

Koo nenywe mukaloonganga nohomba nefwe abaloonji?

Efwe khwabarecheshela lifwa nafu shikhushilungwa tawe.

Okhukalukhania abaandi balali enywe ne khubalonje enywe ebindi biamulamanyile tawe.

Netoto mwamala okhumanya okhulongwa khwa ambeli, neshina shichilanga nimuletsulilaanga.

Ne mulolangakhwo emimela chiamurakanga?

Nenywe muchimesinjia nohomba nefwe khuchimesinjia?

Ne nikhwenya nikhuchikhola chiakhaya okhurakhwo shiosi shiosi, mwatong’a nimung’ang’alile.

Nimuboola mbu toto efwe khusishile.

Halali efwe khwimilwe.

Koo mulalangakhwo amaatsi kamunywetsanga?

Ni enywe mukeshinjia okhurula mumaleesi nohomba nefwe bakeshiinjia?

Nikhwenya nikhukakhola keyichumvi , ne shina shichilanga nimulopa orio?

Mulolangakhwo omulilo kwamwashinjia?

Nenywe mwaloonga omusaala kwakwo nohomba nefwe baloonga?

Efwe khwakukhola okhuba eshitsulisio nende kwokhukhoonya balia bali mushitsimi.

Ne witsoomie elira lia Nyasaye wuwo omukhongo.

Netoto nditsuba khubise bietsing’ining’ini tsikwitsanga.

Ne toto shino neshitsubo eshikhongo, mumanyangakhwo toto.