56:77–57:3

Mushitabu shialindwa.

Sashikweyangakhwo tawe halali ulia omutswenufu.

Sheshibwa okhurula khu Nyasaye omulesi webiloonje bioosi.

Ne kano namakhuwa kamulekanga?

Amwakhopele orio khumukabo kwenyu (kwa abahele) nanyu mwikhola mbu muyingana?

Kaliba karie olwa omwoyo kuliuula khulukamukamu? (Mwiporokotio)

Ne enywe ebise ebo muhenganga.

Ne efwe khuli ahambi muno ninanyu , halali shimukhulolanga tawe.

Ne enywe mukhaya okhuba mubunyali bwanje.

Shichila shina nimulakalusia omwoyo oko nikali mbu muboolanga obwatoto.

Ne naliba mubalibukanilwa.

Kuliba omwikhoyo nende eshing’ari nende emikunda chobwokholo.

Ne naliba mubandu bomukhono omusatsa.

Ni omuleembe khwiwe owuli mubandu bomukhono musatsa.

Ne naliba mubuyingani abakori.

Isambo yiyie niya amaatsi kayile pia!

Nende okhwinjisibwa mumulilo.

Toto buno nibo obwatoto bwang’alang’ala.

Kho witsoomie elira lia Nyasaye Omulesi wuwo Omukali

Bimwitsoominjia Nyasaye bili mwikulu nende mushialo naye niye Owa amani, Wamachesi muno.

Nobubwe obwami bwo mwikulu nende khushialo, Niwelesinjia obulamu ne niye ufwisinjia, naye ni omunyali wabuli eshindu.

Ye niye owambeli na niye wokhumalilikha naye niye owahabulafu nende owulalolekha, naye niye omumanyi wabuli eshindu.