Balibalola, omwononi yakhekombe okhwinunula khushinyasio shieyinyanga eyo khulwokhuyinia abaana bebe.
Mushaf reader · page 569 of 604
70:11–70:39
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Nende omukhaye wuwe nende omusiani wabu.
Nende abeekho baye abamukhonyanga.
Nende bioosi buli mushialo, mana ye ahonokoshe.
Shikali kario tawe! Toto oko ni omulilo omululu.
Kunyibululanga likhoba lwomurwe.
Kulilaanga buli ulia wakafutarira omukongo niyerimula.
Owabunjelesinjia omwandu nakubiikha.
Toto omundu yaloongwa angalukhani.
Nanyoola amasila natswulikana.
Ne nanyoola amalayi ni yemana.
Okhuiniakhwo abalaamanga.
Balia bakholelanga eshinani amalaamo kabu obulachweya (iswala).
Nende balia bomumwandu kwabu kulimwo omukabo omulobole.
Khu usaba nende khu uritsanga okhusaba.
Nende balia basuubilanga inyanga yomurungo.
Nende balia baritsanga eshinyasio sha Nyasaye wabu.
Toto eshinyasio shia Nyasaye wabu Omulesi sishili shawakhasuubila okhuhonokokhamwo tawe.
Nende balia abalindanga ebiekenyi biabu.
Okhuyiniakhwo khubateshi baabu, nohomba balia babaruka bali mumikhono chiabu emisatsa, toto abo shibafunanibwa tawe.
Ne balia benya kalali kano tawe, abo nibo babura eshichelo.
Nende balia balindanga obulayi obwisikwa nende indakano yabu.
Nende balia bemanga shilunji khubuloli bwabu.
Nende balia balindanga iswala yabu.
Abo nibo balinjisibwa mwikulu noluyali.
Balibarie abakhayi, abakhwitsilanga mubunji nibakhunga’nga’lakhwo butswa.
Emikanda nemikanda, na mukhono musatsa nende namukhono mukhasi.
Koo buli omundu aparanga mbu alinjila mwikulu liobwokholo.
Shikalikario tawe, khwabalonga okhurulana nende khushiabamanyile.
المعارج