Alabarerera ifula ikwe nilondokhana.
Mushaf reader · page 571 of 604
71:11–71:28
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne alabahelesia Omwandu nende Abaana, ne alabahelesia emikunda nende emialo.
Muli murie amulahetsanga Nyasaye eshiriibwa?
Ne toto yabaloonga likhabi khulindi.
Shimulolanga shingala Nyasaye yalonga amakulu saba nikalondokhaane.
Nakhola omwesi okhubamwo obulafu ne nakhola eliuba okhuba itaa.
Ne Nyasaye yabamesia khwiloba shinga emimela.
Khandi alibakalusiamwo, nekhandi alibarusiamwo mwesi burusia.
Ne Nyasaye wabakholela eshialo okhuba shinga omukeka.
Khomunyoole okhucheendamwo khutsinjila tsimbambalifu.
Nuhu naboola mbu: “ Nyasaye wanje omulesi, toto bo baakhayile, nibaloonda khu ulia owulametelwakhwo shiosi shiosi khumwandu kukwe nende omwana wuwe halali okhusikha.
Ne nibakhola ebifwanga ebikhongo.
Ne nibaboola mbu: , olalekhakhwo abanyasaye benyu tawe, nohomba olalekhakhwo wada nohomba Suwa,nohomba Yaghutsa nohomba Nasra tawe.
Netoto bo bamala okhukosia abaanji. ne olabameta balia abonooni halali obukori.
Okhurulana nende tsimbi tsiabu berwa namatsi, mana nibenjisibwa mumulilo, neshibanyoola ubahabina owulali Nyasaye tawe.
Ne Nuhu naboola mbu: “ Nyasaye wanje omulesi, olalekhakhwo khushialo abemenyakhwo yesiyesi mubakhayi tawe.
Toto Ewe nobalekhakhwo , balakosia abasumba bobo, neshibalebula halali ababonooni abakhayi butswa.
Nyasaye wanje omulesi! undeshele esie nende abebusi banje, nende ulia wenjila munzu yanje omusuubili, nende abo boosi abasuubila abasatsa nende abakhasi. ne olameta abonooni shiosi shiosi tawe halali obukori.
نوح