Emikanda chibili mwinywe nichinjilamo oburi, mbu betsa okhushilwa, ne Nyasaye niye omulindi wabu, Ne abasuubili besikesa Nyasaye yenyene.
Mushaf reader · page 66 of 604
3:122–3:132
Read the protected Arabic beside the current Luhya translation, beneath each āyah, or as a continuous translation page.
Arabic3
Translation3
Ne Nyasaye yabahabina mubadiri nanyu ni muli abateshele. Kho murie Nyasaye kho munyoole okhupa orio.
Olwa waboolela Abasuubili mbu; koo shibibayela tawe nikali mbu Nyasaye wenyu alabakhoonya nende Abamalaika elfu tsitaru abakholomosibwa?
Koo, nimwista okhuba abesumilisi mana murie Nyasaye nekata abasuku nibabarusia mapwoka, awo Nyasaye wenyu omulesi alabakhoonya nende abamalaika elfu tsirano batsunukhanga nibalwana namaani.
Ni Nyasaye siyakhola kano ilali bube obusangali khwinywe, ne emioyo chenyu chinyoole okhwihotselesia, ne obukhonyi sibirulanga aundi tawe ilali khu Nyasaye, owoluyali owa-amani owamachesi.
Endio nilwokhuba atete ebuleka khubakhayi nohomba abareesie (abatukuyie) banyoole okhukalukha inyuma, nabo nibatorere.
Na ewe obula liosiliosi mukano, nalabaleshela nohomba abahelesie eshinyasio shichilabo nibamabii.
Nebiosi bili mwikulu nende mushialo ni bia Nyasaye, aleshelanga wayenya ne ahelesinjia wayenya eshinyasio, ne Nyasaye ni omulesheli muno owetsimbabaasi.
Enywe abasuubila, mulalia riba tawe nimumetelakho ekulu ekulu, ne murie Nyasaye khomunyoole okhubura.
Ne murie omulilo kwarecheshelwa abakhayi.
Ne wulile Nyasaye nende omurumwa wuuwe kho munyoole tsimbabaasi.
آل عمران