Please wait while the requested workspace is prepared.
Mushaf reader · page 88 of 604
Read the protected Arabic beside the current Luhya translation, beneath each āyah, or as a continuous translation page.
Shololanga balia beshemulanga mbu basuubila kalia keshibwa khwiwe imbeli wuwo? Benyanga okhuyasilibwa khunjila yobukori, ne balomesibwa okhukakhaya; Ne shetani yenyanga okhubakosilia ehale.
Ne nibaboolelwa mbu; “itse khu kalia ka Nyasaye yeshia, ne itse khumurumwa, “ olalola abeshikhabili bakhuswekhakho mubuyingani.
Kho mana kalaba karie olwa amasila kalabanyoola khulwa kalia kemikhono chiabu chiranjilisiyie? Awo mana balakhwitsila nibetsuba khu Nyasaye nibaboola mbu; “shikhwenya halali obulayi nende okhuwulilisania.”
Abo nibo ba Nyasaye yamanya kali mumioyo chiabu, lekhana ninabo, mana abalehesie amachero, ne obaboolele amakhuwa katila emioyo chabu.
Ni shikhwaruma Omurumwa yesiyesi tawe halali awulilwe, khubuchami bwa Nyasaye. Ne balia bakholela obubii emioyo chiabu mana bakhwitsilanga, basaba Nyasaye eshileshelo, ne Omurumwa yabasabila eshileshelo, awo toto bakhanyoolele Nyasaye niwokhufichilila eshileshelo naniwetsimbabaasi muno.
Ne tawe, nditsuba khu Nyasaye wuwo Omulesi, mbu shibalasuubila tawe okhuula bakhukhole ewe okhuba awubabusilia khukalia kabakabukhanangamwo, mana bakhaye okhulola obusiro mumioyo chiabu khu kalia kobusiyie, Mana behotselesie muno.
