Please wait while the requested workspace is prepared.
Mushaf reader · page 94 of 604
Read the protected Arabic beside the current Luhya translation, beneath each āyah, or as a continuous translation page.
Shibali nashilala abasuubili balia bekhalanga butswa nibabula eshifune, nende balia balwananga khunjila ya Nyasaye omwandu kwabu nende emioyo chiabu. Nyasaye aninia hekulu balia bakhupananga nomwandu kwabu nende emioyo chiabu okhushila balia bekhalanga butswa. Kata kario Nyasaye nabalaka eshimenyo eshilayi , halali Nyasaye yawukhasia balia bakhupananga nende balia bekhalanga butswa no murungo omukhongo.
Ni obukhongo burulanga khuye, nende obulesheli nende tsimbabaasi. Ne Nyasaye ni Omunji wobulesheli Owetsimbabaasi.
Toto Abamalaika baliboolela balia ababafwisinjia abakholela obubii emioyo chiabu, mbu: “Mwali murie?” nabo baliboola mbu:, “khwali kwasilwa khushialo.” Baliboolelwa; eshialo shia Nyasaye sishiali nobwiyangu bwokhuwuya tawe? “ Kho abo eshimenyo shiabu ni mumulilo (Jahana, ) nako ni amakalushilo amabii muno.
halali balia abali abateshele mubasatsa nende abakhasi nende abaana ababula obunyali bwokhunyoola injila yokhuwuya.
Abo Nyasaye awundi alibaleshela, Ne Nyasaye ni Omuunji wokhubeela Owobulesheli.
Ne ulia uwuya khulwa Nyasaye, alanyoola tsimbeka tsinyinjii khushialo tsiokhwilushila tsiyanjile. Ne ularula munzu mumwe nawuya khulwa Nyasaye nende Omurumwa wuwe, mana lifwa limunyoole, oyo amalile okhutinyisia omurungo kukwe khu Nyasaye, Ne Nyasaye niye Omulesheli Owetsimbabaasi muno.
Ne nimuli khuluchendo khushialo, shinobubi khwinywe nimwimbikitia amalaamo (iswala) tawe, ni murire mbu abakhayi betsa okhubasandia. Toto abakhayi ni Abasuku bahabulafu.
