Please wait while the requested workspace is prepared.
Mushaf reader · page 13 of 604
Read the protected Arabic beside the current Luhya translation, beneath each āyah, or as a continuous translation page.
Ne yitsulile olwa khwalakana indakano mbu shimularatsia amatsayi kenyu tawe, nesimulaloonda abandu benyu mutsingo tsienyu tawe, mana nimuchama nemukhaya okhukhola murio nanyu nimuliho.
Mana Enywe bano mwirananga abeene, ne muloondanga abenyu baandi mutsinzu tsiabu, mubarulilanga khumabii nende obusuku, Ne nibamwitsila abatalililwe nimubanunula, nikali mbu mwakanibwa okhubanunula, ko! Musuubilanga mubitabu bindi ne mukhaya ebindi. Mana nimurungo shina khu ukhola ako mwinywe halali eshifimbwa murwe mubulamu bwomushialo ne inyanga yobumalilishi balinyoola eshinyasio eshilulu. Ne Nyasaye shang`ang`alilanga kamukholanga tawe.
Abo nibo bayanza obulamu bwokhushialo okhushila bwomwikulu (akhera ) Mana shibalitoratosibwa eshinyasio tawe, nekhandi shibalihabinwa tawe.
Netoto khwahelesia Musa eshibatu mana nikhumulondiakho abarumwa, inyuma wuwe, Nenikhuhelesia Isa omwana wa Mariamu abifune bili habulafu, mana nikhumuramwo amani kwo omwoyo umutswenufu (Jibril) Mana enywe olwa abarumwa babetselanga nende ke emioyo chienyu chilachamile tawe, mwelola, ne omukanda mulala nimukufukula ne ukundi nimukwira.
Ne baboola mbu emioyo chiefu chafunikhwa, Halali Nyasaye yabatsuba khubukhayi bwabu, ne bali nende obusuubili obutiti.
